නොදැක ඉන්න බෑ මට නම් ♥

හැමදාම දැකින්න ඕන නෑ තමයි

ඒත් අඩුම තරමින් මාසයකට සැරයක්වත් දකින්න ආසයි

බලන් ඉන්න ආසයි ඔය ඇස් දෙක දිහා...

මහ ලොකු වෙලාවක් නෙවෙයි

අඩුම තරමින් විනාඩි දහයක්වත්

හිතේ දුකක් නැතිවම නෙවෙයි...

දකින්න නොලැබෙන නිසා

දැක්කෙ නැතුවට මොකද

කවදාහරි දවසක මගේම වෙනවනේ කියලා හිත හදාගන්නවා

කිලෝ මීටර් ගාණක්ම දුරින් හිටියට

ඔය හිත පුරාම මම ඉන්නවා කියන්න මම දන්නවා

වෙලාවක් ලැබුණු ගමන්ම කෙටි පණිවිඩයක් දාලා මං ගැන හොයනවා

බනිනවා,සැර කරනවා,කෑ ගහනවා, ඒ මදිවට බයත් කරනවා..

ඒ හැමදේම ආදරේට නිසා කියලත් මම දන්නවා..

ඒත් සමහර වෙලාවට හිත අඩනවා..

දකින්න ඕන කියලා මගේ සුදු බබාව..

මේ වචනෙ නම් කියන්නෙ නෑ..මේකා හෙන ලෝබයා.. 

කටහඩ අහපු පළවෙනි දවසෙම ඇස්දෙකට කදුළු ආවා

කටහඩේ තිබ්බ ගැඹුරුකම නිසාමද කොහෙද..
ඔයා නම් හිනා වෙයි මෙහෙම කිව්වම..
ඒත් ඔය කටහඩට මං ගොඩක් ආසයි
ඉදලා හිටලා හරි අහන්න ලැබෙනවනම්..
මං තවත් ආසයි..


කිව්වත් නොකිව්වත් පිනක් තියෙන්න ඕන ඔයා ලැබෙන්න
හැමෝටම හම්බවෙන්නෙ නෑ හැම අතින්ම ගැලපෙන කෙනෙක්
හරිම අතලොස්සකටයි එහෙම හම්බවෙන්නෙ...
විශේෂයෙන්ම හදවතේ විස්වාසය උපයගත්තු කෙනෙක්
ඇස්වහක් කටවහක් නෑ 
ඔයාගෙයි මගෙයි සම්බන්දෙට දීර්ඝායුෂම ලැබෙන්න ඕන...!!!